第一个除夕联欢晚宴

呵呵，牛年娶咗个心抱，身份唔同晒了。

大除夕，听好多朋友讲，一般係中午去外家，晚黑喺自己屋企。

我地两个都係独生子女，费事老人家闷，决定尝试两家一起联欢，喺我屋企开大餐！

为咗郑重其事，我盘算咗个六菜一汤，白饭任装嘅菜单：
玫瑰豉油鸡，滑蛋珍珠耗，腊味云耳炒甜豆，豆卜爆烧肉，清蒸基围虾，香菇耗油生菜，花都莲藕煲瘦肉汤

豉油鸡係外母拿手好菜，今次亲临我屋企指导我，以后我都可以整比自己食啦~！不过我觉得麻烦嘅反而係斩鸡果个环节。

其他小菜其实都好简单，我驾轻就熟啦，炒滑蛋我越来越有心得。。。

不过天气实在太冻，等全部菜上桌时，已经有d冻了。。。遗憾！但係两家人围埋一齐，真係好温暖，好特别，我谂呢个传统以后都会延续落去了。。。但係希望小p可以快d帮上忙啦。。。米次次都係得个食字，贡献太细了。。。呵呵。。。

唔得闲影相咯。。。所以无得晒下添。。。嘻嘻

新年愿望就系：虎年秒薪上升！多d时间陪屋企人同朋友：）yeah yeah！

文章来自: 本站原创
引用通告: 查看所有引用 | 我要引用此文章
Tags: