终于等到阿苏介绍广州嘅美食啦~~~

一直都有睇苏good，睇尽佢介绍嘅香港同澳门美食。。。口水流到一地都係。

一直都喺度谂，点解无人介绍下广州d美食嘅？自从阿苏节目里面多咗个广州人Philip之后，终于喺第二辑苏good结束嘅时候，隆重推出咗3集广州美食介绍，正！

而里面介绍嘅好多美食，其实好多都试过，但係亦有唔少喺自己屋企附近居然唔知。。。真係枉过廿几年：）

食肆:璩寶酒家
號稱「天上龍肉、地下驢肉」的酸菜炆驢肉、通腸通便降血壓的生撈苦麥菜、吃法新奇有趣的冰鎮涼瓜雲耳和香濃又健康的護肝湯都獲得一致讚美，護肝湯中比芫茜還香的「假芫茜」更是引起了眾人一探究竟的興趣。
地點:  璩寶酒家  
地址:  廣州市天河區黃村街大觀路航天奇觀北側
電話:  020-82373288

未食过，有机会有车就去。。。

阿蘇吃慣了香港本地的鹹煎餅，不知道廣州的的鹹煎餅竟如此美味。廣州鹹煎餅外型與香港的有別，鬆脆兼有淡淡的南乳味道，配上鹹瘦肉粥，阿蘇讚不絕口。
地點:  林記粥品店  
地址:  廣州市海珠南路157號
電話:  020-88909356

今日下午去咗，受到阿苏节目影响，居然大排长龙，n个人等罗咸煎饼。。。我同小p食完个咸瘦肉粥，都未等到，可见生意几咁好。。。但係等咗咁耐真係值得，绝对推介！但係粥就见仁见智，我就觉得香港d粥好食d。。。

食肆:黃英記麵家
早在解放之前就有的鴨肝水餃，隨著時間變遷，如今的年輕人反而對該小吃了解甚少。最討厭吃肝臟的阿蘇，每到廣州必吃傳統小吃之一，就是鴨肝水餃，水餃餡甘香可口，回味無窮。
地點:  黃英記麵家  
地址:  廣州市文德路57號
電話:  020-8326 2074

细细个放假时候住文明门，都未留意到呢间嘢，听讲好似开咗唔系好耐，但係里面介绍个鸭润水饺係解放前嘅小食。。。呢个真係唔知，之前去试过云吞面，下次一定要试下鸭润水饺。。。

食肆:沙灣甜品食館
廣州流行的鳳凰炒奶糊是將蛋白、牛奶和薑汁用小火慢慢炒至糊狀，然後與生蛋黃拌勻，又有蛋香又有奶香。攪拌時，黃色的蛋黃滲透在白色的牛奶中，像極了鳳凰圖騰，故「鳳凰炒奶糊」以此得名。另外，阿蘇對店內的薑汁撞奶(薑埋奶)也稱讚不已。
地點:  沙灣甜品食館  
地址:  廣州市西華路第一津33號101
電話:  020-8109 6287

成日路过西华路都唔多觉，真係失败。。。反而光塔路果间沙湾甜品就成日帮衬，睇节目介绍嘅招牌其实同光塔路果间都几乎一样。。。唔知係咪分店呢？炒奶糊我唔再推介了。。。其实识我嘅人都知，我最爱嘅就系炒奶糊。。。哈哈哈

飯店深得民心的油炸麵，其實是透薄的蝦膠包著一段香脆的油條和兩段清爽的豆角，吃起來脆而爽口，豆角更帶出了清新的風味。桂姐碌鵝香酥入味，松子腐乳滑蛋香而不鹹，叉燒餐包鬆軟好味。
地點:  常來飯店  
地址:  廣州市中山二路新興大廈二樓
電話:  020-3763 2188

呢间小p帮衬过。。。但係我就一直路过都未试过。。。今晚自己买咗腐乳，腰果碎，先自制咗个腐乳滑蛋，的确味道几特别。。。哈哈，有创意！

食肆:一家蟹館
一頓蟹餐，暢快淋漓，油厴仔、膏油蟹、黃油蟹、醬炒伊麵、蟹黃炒通菜、鴛鴦蟹糯米飯，紅膏黃油甜美無比，每道菜都叫人意猶未盡。老闆還教阿蘇如何挑選好的油厴仔。
地點:  一家蟹館  
地址:  番禺洛溪食街C75-76檔
電話:  020-3452 3998

睇电视係一个外地人介绍紧d靓蟹。。。不过介绍都算专业，食街以前去过，无留意过呢间店，下次叫云云带我地去：）不过要储定钱咯。。。一只蟹250文。。。对于香港收入水平就ok。。。

食肆:燉品皇
廣東人愛喝湯水，Philip推薦的燉湯舖裡幾元至十數元便有一盅，相當經濟實惠。阿蘇試喝了紅蔘田七燉烏雞、紅蘿蔔蠍子燉瘦肉和海馬合桃燉瘦肉，盅盅香濃又滋補。
地點:  燉品皇  
地址:  廣州市光孝路65號
電話:  020-8108 7675

呢间炖品皇。。。终于出名啦！我一直都话，酒香不怕巷子深，呢间炖品皇比文德路果两间绝对好得多！！！佢嘅历史仲大过我啊~~~好似阿苏试嘅海马，蝎子，其他地方我唔敢话无，但係真係唔多地方有咯。。。而且关键係性价比高啊。。。另外，呢间嘢其实细细个就系我嘅饭堂，顺便介绍下，呢度嘅荷叶蒸饭都OK嘎，双拼，味道唔会好突出，胜在用料新鲜，就好似佢地嘅汤料一样。。。大家一定要试！

食肆:滿口福
乾逼水鴨火鍋一鑊水鴨半成品，備以蔥、芫茜和醬汁等，客人可按口味自行加工。吃完水鴨後，可加入醬汁炆冬瓜，一菜多吃。
地點:  滿口福  
地址:  廣州市德政中路181號
電話:  020-8337 2927

小p屋企附近，但係小p第一次帮衬都係我同佢同埋小苗一起去嘅。。。成日路过，特色就系有个镬比你炒嘢。。。d酱汁又真系几香，不过唔似鲍汁飞讲嘅咁好咁。。。

食肆:容意發牛雜店
Philip帶阿蘇去吃牛三星湯和牛羊鴛鴦湯。牛三星湯由牛柏葉、牛腰、牛肝作為主料，加韭菜、山椒和鹹酸一起煮，味道鮮美，而牛羊鴛鴦湯則是羊雜混合牛三星，連不沾羊食的阿蘇都大讚！
地點:  容意發牛雜店  
地址:  廣州市詩書路56號
電話:  020-8187 1630

今日顺路打算去试下，其实呢间嘢好耐以前食过，当时就食过粉面，所以反而唔知呢度最出名係牛三星同鸳鸯汤。。。但係印象中广州最好食嘅牛三星应该係“风味馆”吧。。。而鸳鸯汤好出名嘅当然少唔到起义路果间“牛羊蛇杂汤”啦。。。果度起码仲有嘅蛇杂汤哦。。。点知今日去到嘅时候，个店员居然话，卖晒啦。。。卖晒就算啦，佢加多句，一个钟头就卖晒啦。。。靠！阿苏威力咁犀利？？？

食肆:Ten Café
這間Café的室內設計給人家的感覺，洗手間的裝潢亦非常有特色。阿蘇喜歡好喝又好玩的Shooter雞尾酒、車厘子汁酒、牛腱及芝士餅，但價格並不便宜。
地點:  Ten Café  
地址:  廣州市煙墩路10號
電話:  020-8766 9918

呢间Cafe其实都来过。。。几年前同KC班同事有一晚唔知听边个号召，话去饮酒。。。但係要去一个好有特色同情调嘅地方。。。于是我呢d咁无情调嘅人都跟埋去凑热闹咯。。。果度就好似节目介绍嘅一样，真系几特别，其实顶楼有个天窗，天气好可以坐喺沙发边叹酒，边睇星星。。。真系几好feel咯。。。听讲仲好多公司包场搞party嘎。。。

食肆:水沐蓮清．清派茶膳酒樓
「苦丁愛津白」是甚麼？原來是喝下清熱的苦丁茶後再吃甘甜的津白，體驗「苦盡甘來」的美妙滋味。手工點心，口味甜而不膩，水沐蓮花酥、藕斷絲蓮酥、綠茶蛋撻、白金雪山包，聽名字就口水直流了！
地點:  水沐蓮清．清派茶膳酒樓  
地址:  廣州市天河南二路六運六街27-29號
電話:  020-8753 1233

原来离公司咁近，但係都唔知有间咁嘅嘢，睇菜式就好似睇d武功招式咁。。。鬼咁诗情画意。。。我睇都唔会平嘎啦，有机会去试试。。。

食肆:艇上人家
阿蘇為了一煲鮮香無比的三水特色蟹雞煲，自創了外脆內軟的阿蘇米粉餅去搭配，吃法創新，美味加分。
地點:  艇上人家  
地址:  廣州市海珠區廣州大道南桂田南約大街23號
電話:  020-8420 3636

呢间我未去过，但係三水特色蟹鸡煲我就食过，深圳有间胜记饭店，招牌菜就系呢个。。。佢地用一个大镬来整，一镬就198文。。。其中有大概有四只毛蟹，一只大母鸡，味道真系好得~！蟹同鸡咁搭配唔知边个谂出来嘅。。。而且点解係三水出品嘅呢？

食肆:柴灶坊
山村風味的菜餚：稻草扎肉、無渣粉葛炆豬肉、白切香豬肉，一次將豬肉吃個夠，而阿蘇特別欣賞瑤柱螺頭粥，濃稠香滑。在柴灶煲粥、嫦娥穿梭的奇異環境下，阿蘇更入鄉隨俗，獻出了最女人的一次演出！
地點:  柴灶坊  
地址:  廣州市白雲區同和同泰路63號
電話:  020-8709 5912

个名几有特色，一睇就似d农家菜，同和我就知道烧鸡。。。呢d菜都好想试。。。今日行超市，见到壹号土猪个档口做紧促销，话消费满200文，就送农庄一日游。。。唔知係咪就系去同和呢？呵呵。。。

食肆:同記雞粥粉麵
Philip帶阿蘇來到毫不起眼的小巷子，到底有甚麼美食臥虎藏龍？原來是擁有四十多年歷史的美味白切雞，新鮮的走地雞加上特製的蘸料，工作人員吃到停不了口！
地點:  同記雞粥粉麵  
地址:  廣州市長壽東路福廣里3號
電話:  020-8186 7395

唉。。。真系惭愧，又未食过，但係个名有印象，可能路过觉得无咩特别，无专门入去食，白切鸡都可以食到停唔到口。。。好难想象，呵呵，如果係咁我顺便都推荐一间专做白切鸡同手撕鸡嘅靓嘢，位于珠光路嘅“胜记驰名白切手撕鸡”，有30/35文一只，皮爽肉滑，最关键又系佢d配料，姜葱超好味。。。

食肆:Wilber's restaurant + bar
新一輯的《蘇Good》圓滿結束，阿蘇選擇在好友的餐廳酒吧露臺上舉行告別派對，阿蘇衷心感謝各工作人員的辛勤工作。
地點:  Wilber's restaurant + bar  
地址:  廣州市竹絲崗二馬路62號
電話:  020-3761 1101

小p居然去过呢度，别墅改建嘅，有feel咯。。。食物质素点，小p肯定就唔记得嘎啦。。。佢就记得细份，精致。。。

[本日志由 young 于 2010-04-04 01:03 AM 编辑]
文章来自: 本站原创
引用通告: 查看所有引用 | 我要引用此文章
Tags: