So Good寻味之旅-澳门篇

睇阿苏介绍美食，谂唔到篇幅最多嘅居然係澳门。。。
06年第一次去澳门，到而家有相片记载嘅一共7次。我好中意澳门，呢度中西旧建筑都可以好和谐咁共存，而且都保护得好好，你好难想象一个弹丸之地，好多古建筑都超过几百年嘅。。。而当然，吸引我嘅係呢度都保留得好好嘅传统美食。。。

好啦，将我有相片记录嘅正嘢，逐一分享比大家。。。

食肆:礼记冰室
老牌冰室，中意怀旧嘅不妨试试
详细地址：荷兰园大马路12号至12A
订座电话：28375781


食肆:大利来记咖啡室
虽然店名无提到一个“包”字，但係呢度嘅猪扒包真係远近闻名。。。下午三点先开始售卖，我如果顺路经过都会买嘅，但係其实感觉都唔系话好特别，就系新鲜而已。。。呵呵
地址: 氹仔巴波沙总督前地18号
电话: 00853-28827150




食肆:黄枝记面店
由于游客一般都会先去大三巴，所以好耐之前就留意到呢间老字号面店，之前食过虾子面，味道的确唔错，不过可惜呢间太多人了。。。其实喺十六浦酒店附近有家黄枝记嘅分店，人少d，但係招牌就简陋好多了。
地址: 议事亭前地17号
电话: 00853-28331313




食肆：添发碗仔翅美食
次次经过都超多人，实在无心机排队。。。唔知好唔好食
地址: 新马路福隆新街18号
电话: 00853-66506211


食肆：祥记面家
我又系叫咗虾子捞面，因为广州比较少有得食，但係对比黄枝记嘅，呢度嘅份量细d，而且d虾子味道有d爖，我觉得一般般z。。。
地址: 福隆新街68号地下
电话: 00853-28574310


食肆：九如坊葡国餐厅
专门慕名去试木糠蛋糕，亦因此爱上木糠蛋糕。。。其他菜好贵，06年去嘅时候唔舍得点，呵呵，里面有葡人服务员。
地址: 板樟堂巷3号(近议事亭前地)
电话: 00853-28331818


食肆:楊六牛雜粥
上次睇到阿苏嘅介绍，即刻时时刻刻发梦都想快d去试下咁了能嘅牛杂。。。今次好可惜，食唔到牛包皮，但係除咗牛鞭，牛唇，比较特别嘅係试咗牛血管，好爽下，谂唔到血管唔淋。。。仲有牛尾皮，爽口，杨伯死赞佢自己d牛肺靓，唔会有杂骨，清理得好干净（我谂我地平时街边食嘅牛肺，都唔觉有骨啊。。。点解咁hard sell自己呢？呵呵）杨伯话杨六係佢老豆。。。睇来都好耐历史咯。。。佢问我要食d咩，我话要特别嘅嘢，佢于是搞咗块膜我，话係牛睾丸膜。。。听落核突，食落就好滑，佢仲介绍牛睾丸我认识。。。好大好大。。。佢话只能一只整卖。总之食完，好满足，最后佢话墙角有d牛脚甲，想要嘅自己罗走啦，唔收钱。。。谂唔到阿苏上次试嘅牛脚甲咁唔值钱。。。哈哈哈~~~
地址:  澳門草堆街橫巷1號B
電話:  853-6661 1999




有d黄芥辣酱，配牛杂好好味，比甜酱同蒜蓉辣椒酱好。。。


牛睾丸！！！劲啊。。。


食肆：荣记豆腐面食
阿苏推荐嘅係豆腐花，的确几滑，我顺便就试咗下个豆腐面，其实味道无咩特别，就系豆腐配面呢个广州揾唔到。。。最特别。。。食完问17号点行（想跟住去食雪糕），个老板娘直接就话果间雪糕前面无几远就係啦。。。呵呵原来好多人都问过路了，睇来阿苏嘅fans真係唔少。。。
地址: 新马路果栏街47号地下
电话: 00853-28921152




食肆:洪馨椰子（全名係：洪馨椰子梹蒟发客）
个名超骑呢。。。边个知道咩意思？？？
原来“梹蒟”係指“槟榔”同“蒟青”蒟青係药材来噶。。。当然，我唔明白点解呢间嘢会同呢两样野有关系。。。而“发客”就系“零售”嘅意思。。。係咪好特别呢。。。
本来招牌係椰子雪糕，见到有芒果雪糕卖，顺便要多一个，12文一个，其实都有d贵，而且用d好细个嘅一次性杯装住，份量唔多，但係一食落口，即刻咩意见都无晒。。。两个字形容“新鲜”！！无比新鲜。。。绝对天然嘅椰子香味同芒果香味，绝非香精香料雪糕可以媲美。。。我好想食多几个。。。大家一定要试！！！
地址:澳門果欄街14號地下
電話:853-2892 0944




呢条果栏街，顾名思义，真係水果批发地来噶。。。我谂呢个传统都流传好耐了。。。

食肆：荣晖咖啡美食
呢度好多小食店都有“咖啡”二字。。。唔明白。。。但係招牌肯定都唔系咖啡，呢间招牌就系川弓白芷鱼头米线同埋鸡汤米线，讲究原汁原味，不添加味精。。。其实就系一个川弓白芷汤加鱼头米线咁，所以虽然25文碗，但係计落都几抵，d汤绝对可以饮胜嘎。。。
地址: 十月初五街54号地下
电话: 00853-28930120 28921205






食肆:華軒美食
大廚細龜入行約16年，每天要炒200多碟乾炒牛河，才能滿足到絡繹不絕的食客。他炒牛河時，火力強勁，動作瀟灑，河粉條條分開，入色入味，鑊氣十足。我地离远就见到细龟矫健嘅身影。。。的确好有镬气，佢其实自己有间小店了，但係佢坚持喺外面来炒呢个河粉，呢个精神真係唔话得。。。澳门政府都好俾面咯。。。如果喺广州，肯定一早比人封咗了。。。讲翻个炒粉，虽然镬气十足，但係对比个鸡丝炒面，炒粉略嫌唔够味道。。。偏淡，有dd失望咯，但係整体我觉得都係唔错嘅，收费都水涨船高咯。。。唔算係大排档价格拉。。。另外要赞一下嘅係佢地好细心，因为火力十足，如果d粉直接放入饭盒，个饭盒肯定溶，所以佢地都会垫张锡纸再放d炒粉入去。。。好细心周到。。。
地點:        華軒美食
地址:        澳門沙梨頭仁慕巷口
電話:        853-2895 3106








食肆:六記粥麵
食唔到咁多嘢，无叫到炸云吞了。就叫咗个米通鲮鱼球同卤水凤爪，每份36文，贵！不过鲮鱼球要赞下，广州我食过大部分都无米通，但係就係呢个小小嘅米通，搭配鲮鱼球可以增加佢爽脆嘅口感，好fit！而卤水凤爪都好好味，佢d卤水汁里面有姜片，而呢d姜片可能算係秘方吧。。。等嘅时候发觉有人揸车专门外卖虾子面走。。。下次有机会试埋呢间嘅虾子面。。。呵呵
地址:        澳門沙梨頭仁慕巷1號D地下（细龟炒粉旁边）
電話:        853-2855 9627






食肆:最香餅家
谂唔到呢间无分店嘅老字号，居然咁受欢迎。。。我真係食唔出同钜记，咀香园有乜唔同，但係可能就系店内原始嘅摆设，传统嘅工艺，吸引咗阿苏。。。呢度仲係《扑克王》取景嘅地方。。。古天乐呢。。。有无印象？呵呵。。。（顺便学下语文，“口母”呢个字点读？呣 móu 古同“谋”，思虑。呣 叹词。呣 应答声：呣，我知道了。笔画数：8）
地址:        澳門夜呣街12號B地下A座
電話:        853-2838 3858




以后继续补充呢篇澳门美食，得闲嘅时候望梅止渴一下。。。哈~~~

[本日志由 young 于 2010-04-27 00:24 AM 编辑]
文章来自: 本站原创
引用通告: 查看所有引用 | 我要引用此文章
Tags: