http://mushou.com/ zh-cn PBlog2 v2.4 http://mushou.com/images/logos.gif http://mushou.com/ 飞扬.肥羊@mushou.com http://mushou.com/article.asp?id=365 young.song@hotmail.com(young) Sun,21 Feb 2010 20:46:44 +0800 http://mushou.com/default.asp?id=365
呢个构思係咁嘅，四个人都在一个足球场嘅场景里面，我射门，方丈守门，猩猩係教练，Ray係拉拉队。。。


跟住係每个人嘅特写。。。我觉得最似就系Ray同猩猩了。。。我同方丈就唔多似。。。好明显真人靓仔d啦。。。哈哈
猩猩个笑容好似


Ray呢个我特别提醒个师傅要将个身材搞得劲d。。。不过好似整出来都係麻麻。。。


方丈呢个我觉得肥咗d，而且唔够盏鬼，不过盏鬼呢个可能好难整。。。


我最无特色了。。。而且射门有乜可能唔睇住个波嘎。。。可能肥嘅靓仔真係好难整吧。。。哈哈


我觉得泥塑公仔做礼物真係几好噶。。。可惜就系好似呢四个公仔始终无咩眼神交流，唔够整体。。。不过设计师话最好要有正面侧面嘅清晰相片，咪光提要求，佢地好难整到出来，例如“盏鬼”，“得戚”。。。。。。]]> http://mushou.com/article.asp?id=354 young.song@hotmail.com(young) Sat,03 Oct 2009 21:23:50 +0800 http://mushou.com/default.asp?id=354
首先係一直想做嘅《瑞士汁鸡翼》，材料：鸡翼8只，老抽，生抽，绍酒，冰糖，麻油适量。。。


窍门：老抽，生抽，绍酒比例一致，麻油最后落，冰糖份量是关键，甜味多d比较好，甜味少d可以罗个汁来做老娘叉烧。。。

第二个菜由小P出手，《滑蛋虾仁》，材料劲简单：虾仁（用沙虾切粒代替，比较新鲜，不要用雪虾），鸡蛋3只。。。


窍门：先烧红只镬，落足量油，滚后爆炒虾仁，倒入蛋液，关火快炒。。。

第三个菜是家常小菜，《豆角炒牛肉》，材料：豆角（最好用青豆角），牛肉。。。


窍门：豆角先用盐水煮熟，马上过冷河，这样豆角爽口，而且不用担心炒老d牛肉。。。

最后一个菜係SO GOOD偷师翻来嘅《姜葱炒虾》，材料：沙虾一斤，红葱头，葱段，姜，蒜，秘制酱汁


窍门：一定要爆香d配料，再落虾，差唔多变色先落耗油，最后加入少少鱼露，马上上碟

简简单单，四菜一汤，白饭任装，正！


其实落厨真係一件开心嘅事情，家人品尝时果种满足嘅表情，特别令人欢欣鼓舞。。。哈哈

睇SO GOOD节目，里面嘅Philip最让我受到启发，其实佢嘅材料都好简单，做法都好家常，但係点解可以咁好食呢？

关键就系：材料的先后顺序，份量，同埋火候了。。。呢几个词好似好简单，其实就系每个菜嘅精华所在，无咩特别窍门，贵在多d尝试多d练习。。。大家都可以煮出有心意嘅餸菜啦。。。]]> http://mushou.com/article.asp?id=323 young.song@hotmail.com(young) Sun,25 Jan 2009 19:32:43 +0800 http://mushou.com/default.asp?id=323

受近期热播“so far 苏 good”嘅影响，今次有两个餸都係学习阿苏嘅：）

第一个係“金玉满堂”栗子焖鸡髀肉
材料：栗子若干，鸡髀两只，冬菇四个，姜葱蒜适量
步骤：栗子去壳去皮，先煮5～10分钟，捞起。鸡髀切块用适量油，盐，生粉，生抽腌好。热镬爆香姜蒜，落鸡髀肉快炒，再加入冬菇，然后加入栗子和适量水一起焖10～15分钟，然后加入有不少白糖的芡汁，收汁，起碟！
金黄嘅栗子搭配嫩滑嘅鸡髀肉，正！


第二个係“五福临门”－叉烧菜脯云耳豆角粒炒蛋
材料：豆角（最好係青豆角），半肥瘦叉烧，菜脯，云耳，蛋三只
步骤：豆角，叉烧切粒（攰～～～），云耳浸开，蛋搅晕。先炒豆角，待8成熟加入叉烧，菜脯和云耳，加少许水煮一阵，兜起。跟住热镬，落油，滚后落蛋，炒十秒后关火，加入之前嘅材料翻兜即可上碟。
五彩缤纷，五福临门！


第三个係“老少平安”
材料：鲮鱼滑，猪肉滑，水豆腐，蛋白
步骤：比较简单，将鲮鱼滑，猪肉滑同豆腐搅埋一起，加入蛋白。。。隔水蒸10分钟，淋上少许滚油同麻油即可。
此菜由于老少咸宜，所以取名“老少平安”，做得好口感嫩滑，入口即化。。。哈哈，不过我落嘅肉比较多，好似变成豆腐肉饼甘。。。


加埋妈妈嘅西洋菜陈肾煲瘦肉。。。三菜一汤，小p有出少少力甘啦。。。但係最大功劳梗係下面呢两位大厨啦。。。


哈哈～祝大家牛年牛牛牛～！！！]]> http://mushou.com/article.asp?id=259 young.song@hotmail.com(young) Sat,22 Dec 2007 01:22:24 +0800 http://mushou.com/default.asp?id=259
一、拉肠
我最中意嘅拉肠，自然最最留意啦。又平又靓榜首就係喺大众点评网都名列前茅嘅新联肠粉店，位于多宝路88号，铺面好简陋，如果唔留意，好容易行过，对面就係西关培英中学。一碟牛肉肠都係￥2.5咋！而且好食！呢度唔似银记，华辉用椭圆型碟来装，好特别用圆碟，d豉油係甜甜地果种，用来拌拉肠一流，布拉出来，滑，薄就肯定嘎啦，总之超值，N多人排队！有几个学生哥仲一个人食三碟 ，另外提提，呢度嘅牛肉粥都係￥2.5，性价比极高！





评价：

二、云吞面
云吞面我係好中意食嘅，特别中意云吞面嘅经典汤底，大地鱼虾子。。。例如靓面轩，巧美等等都好唔错。呢度讲嘅係平靓正，平在前，所以介绍才福面家，久违细涌用小碗装，先卖￥3！！！呢个係鲜肉云吞，鲜虾同蟹子云吞要贵d。。。云吞馅肥瘦适中，而且有一定份量，绝无花假嘎！才福只卖面，唔卖其他，比较专业，味道感觉不过不失，对得起佢价格有余：）西华路有间总店，我去嘅係德政路嘅分店，听讲德政路呢间环境好d。

评价：

三、粥
呵呵，粥我研究唔多，因为唔中意热，要等，食得唔够畅快，好似拉肠甘，我两啖就搞掂，几爽！
呢度要讲嘅係喺华贵路嘅源记肠粉店，离附件嘅老字号伍湛记大概100米左右，一晚同表哥来食，其实之前同小p都经过食过一次，当时就觉得一般，所以无咩太深印象。但係今次我要隆重介绍嘅係呢度嘅粥。好似係￥5碗（其实喺果头算好贵。。。），表哥要咗猪腰粥，睇落都几绵，最羡慕嘅係居然里面嘅猪腰都係大大片，到我食完d拉肠，居然我表哥仲有成碗猪腰未食完。。。呢篇嘢纯粹比面d大大件嘅猪腰。。。hoho

评价：

好食嘅嘢实在太多。。。平靓正而家就真係唔算多。。。以后我得闲会继续捧场，因为呢d老字号就係靠我地呢d忠实粉丝支撑落去嘎！]]> http://mushou.com/article.asp?id=228 young.song@hotmail.com(young) Sat,21 Jul 2007 02:00:14 +0800 http://mushou.com/default.asp?id=228
hoho，岩晒我！menu上面得一种云吞，就係蟹子鲜虾云吞，搭配竹升面，普通6文碗，大嘅十文。。。净云吞一样两个价格。

有乜甘特别？哦。。。标榜无味精，无防腐剂。。。

试试d汤，果然无味精味，好鲜嘅鱼味，我饮唔出咩料，总之好鲜甜，的确唔错

再试试d云吞，个皮几爽，唔烂，云吞一般大细，比靓面轩嘅细d，但係同巧美嘅差唔多，用料都唔马虎，不过味道一般。。。

最后试面，wow，有惊喜，好弹牙！真系人工打制嘅竹升面？

最好叫多个冰糖雪耳炖木瓜，都几靓啵～～～新开店质素都ok？hoho～～～

走嘅时候买咗一斤竹升面（8文，都几贵）翻屋企食，再加一打生云吞，10文。。。 听朝早餐，正啊～！

可惜呢间店品种少咗d，而且地头唔靓，唔知可以捱几耐呢？可惜啊。。。]]> http://mushou.com/article.asp?id=176 young.song@hotmail.com(young) Mon,24 Jul 2006 23:26:28 +0800 http://mushou.com/default.asp?id=176
其实酿嘢我觉得最紧要就係要肉同被酿嘅嘢唔分离，好多时候酿好，但係一落镬，兜两下就散晒。所以，整肉馅嘅时候一定要洒适量嘅粉，同埋最好被酿物体有足够嘅空间装住啲馅。

第一味－酿冬菇



冬菇我觉得好难酿得好，好容易甩出来，要好小心，啲肉唔可以多。但係酿冬菇由于冬菇天生嘅鲜味，其实同啲馅料係好夹嘅，所以酿冬菇始终都位列酿菜前几位嘅！

第二味－酱汁酿茄子

呢个好常见嘅菜，首先要细火煎一煎啲茄子，加嘅油要比酿冬菇嘅要多，当茄子有少少金黄色就收手，对比酿冬菇，一定要打个芡，因为茄子sock汁，会好味啲，hoho



材料都係 喺超市买，嘻嘻～～悭咗酿果步，悭咗好多功夫啦。。。不过超市用来酿嘅馅料始终觉得唔够新鲜，而且肉馅肥瘦不均匀，影响口感。

第三味－肉碎炒日本豆腐

选料唔复杂，随处可见。



简单又好吃，用来送饭嘅极品

第四味－青瓜炒鸡肾



炒青瓜始终觉得有难度，炒熟唔难，炒得爽口又唔太林火候掌握好难阿。。。而且青瓜我中意薄身，薄身又容易熟，真係几矛盾嘎～～边位高手可以指点下呢？

嘻嘻。。。今次 有进步啊，独力搞掂三个餸，比三个 ，要再接再励，甘我就可以摊开双手等食啦！～yeah

]]> http://mushou.com/article.asp?id=170 young.song@hotmail.com(young) Tue,04 Jul 2006 02:10:22 +0800 http://mushou.com/default.asp?id=170

第一味－西兰花炒猪肠

切好啲西兰花，飞水。然后落镬快炒（中意淋啲嘅可以cup盖焗一阵，西兰花会出水），最后加入现成嘅熟食烧猪肠，炒晕，OK，上碟！



第二味－叉烧炒蛋

嘻嘻。。。係咪好多人都中意呢 ，我中意蛋包住啲叉烧，我妈妈中意叉烧片炒滑蛋，其实就係睇炒蛋嘅技巧。我自问功力未够，好羡慕人可以炒啲好滑好滑嘅蛋，但係唔爖，我只係知道一个窍门，就係炒蛋嘅时候一定要一路炒一路落油，蛋容易熟，火候掌握真係非常甘重要啦，多多练习我谂会掂嘅！～



仲整咗个青瓜炒猪脷，不过用咗卤水猪脷，发觉青瓜淋但係猪脷爽口，搭配嘛嘛，下次换苦瓜炒可能会好啲：）

呢排发觉啲相都唔係影得好好，卖相又唔係好好，于是将啲图片打下格仔，引人遐想下啦。

]]> http://mushou.com/article.asp?id=169 young.song@hotmail.com(young) Tue,04 Jul 2006 01:48:00 +0800 http://mushou.com/default.asp?id=169
蒸菜可以保留事物最多嘅营养成份，加上炎炎夏日食太多煎炸容易生豆豆，所以今集都係以蒸为主。。。

第一味－蒜蓉蒸丝瓜

呵呵，好家常嘅餸，喺外边都经常可以食，将新鲜丝瓜批皮斩成一碌碌（厚度最好均匀啲），然后摆碟，sum上蒜蓉粒同适量盐，隔水蒸熟，倒走多余水份，加少少是油（揾唔到个字啊 ），再淋d熟油喺面（其实呢个步骤都几重要嘎），有条件可以加啲虾米一齐蒸添。。。



好味又健康

第二味－酱香牛肉伴鸳鸯豆腐

喺电视见到用虾酱蒸炸豆腐，但係喺市场居然揾唔到炸豆腐，又好想食牛肉，于是突发奇想，谂咗呢个餸。
首先都係切好豆腐同日本豆腐，最好就薄啲，隔水蒸熟，倒走啲豆腐水，然后将腌好嘅牛肉加冬菇猛火快炒，加入调好嘅芡汁，兜晕，然后淋喺豆腐表面就掂晒啦～～～



啲牛肉酱汁慢慢渗入下面嘅豆腐入边，加埋两种口感嘅豆腐一齐，入口之后，肉香同豆腐鲜味混为一体，正！

第三味－七彩大节瓜

都係比较常见嘅餸。将节瓜一够变成四够，喺背脊界n个井字（方便蒸熟同埋之后嘅芡汁渗入），加适量盐，同埋将啲五颜六色嘅豆豆啊，玉米啊，肉粒均匀铺喺面头（有瑶柱就仲fit啦～），隔水蒸熟，由于节瓜淋啲好食，有条件嘅话我觉得都係用高压煲压一下好过就甘蒸，蒸完之后都係调芡汁，唔好加是油，白色嘅会靓啲：）



又简单又靓

第四味－椰汁牛奶西米露

天口甘庆，来碗冰冻西米露简直就係一大享受啊～～ 中意整甜品，于是让个机会比佢 。
希望冇记错个整法，hoho。煲滚水，加入西米，等到差唔多透明嘅时候（中间仲有少少白），熄火，cup盖焗十几分钟，然后过冷河，再加入牛奶同罐装椰汁，事成！！跟住点？放入冰箱冰冰佢，想食嘅时候罗出来加入中意嘅水果，好似芒果啊，奇异果啊，火龙果啊之类嘅，哇哇哇～～～真係好正嘎！！如果有人中意红豆，仲可以加入红豆沙，口感一流啊



爱上西米露真係好容易嘎咋

最后仲将啲餸头餸尾炒多个菜。。。嘻嘻～





]]> http://mushou.com/article.asp?id=168 young.song@hotmail.com(young) Tue,20 Jun 2006 01:09:54 +0800 http://mushou.com/default.asp?id=168 中意意大利菜，所以就顶硬上啦。。。

以前从来未整过嘎，东揾西揾资料，将啲材料记落张纸仔到超市慢慢执，不过好失望，喺PNS同埋Jusco，居然都冇咩选择，PNS得一只B字头嘅进口扁意粉，同埋一只自有品牌嘅，五个几一包（哇。。。食唔食得嘎？嘻嘻～）两只都买落来，然后去买咗肉滑、牛柳、番茄、洋葱、芝士片、牛油（都好贵啊，果个咩妈妈之选十几文一够，汗！）。。。呢排捱夜睇世界杯，怕上火，买多两罐王老吉先：）

包扁意粉係500克嘅，所以打算做两种，一个芝士焗，一个炒，好，入正题啦～

第一味－芝士焗番茄肉酱意粉

首先係煮意粉啦，学啲攻略甘，煲滚啲水之后将啲意粉散射状甘放落个煲到（其实唔係好明白点解一定要放射状，可能因为要均匀受热吧，但係由于个煲边好热，啲意粉未软身就已经被辣到隆咗少少。。。 ）如果中意爽口啲就八分钟左右捞起，想林啲就十分钟左右啦。。。捞起擏干啲水

跟住就係落牛油爆香啲洋葱，然后丢啲番茄落去，加少少糖同盐，由于番茄会出水，唔需要加水，一直煮，用镬铲整烂啲番茄，一阵就变成番茄酱甘款嘎啦。。。跟住再放肉滑（之前腌好，想香啲嘅加少少酒添），肉滑好容易熟嘎，唔想老兜两兜就可以熄火了。。。

之后意粉上碟，将啲番茄肉酱淋起表面，再将剁碎嘅芝士均匀洒喺上面，放入微波炉叮多5分钟，跟住就。。。哈哈，食得咯！！！

色香味俱全，可惜就係最后番茄肉酱收汁收得太浓，最后捞意粉唔多够汁，干咗少少

第二味－黑椒鸡扒+蜜汁猪扒

哈哈。。。 第一次落厨哦。。。梗系比几个good啦！～～～由于呢排佢受“美女厨房”影响，啲嘢最紧要係熟啊。。。所以啲猪扒有少少隆，不过！学郑中基话斋，首先要食得落肚啊嘛。。。哈哈 食落都唔错哦。。。鸡扒有鸡扒味，猪扒有猪扒味，黑椒有黑椒味，真係掂！啲蜜汁唔多，不过甜都入心啊～～

一个字：掂

第三味－牛柳西兰花草菇芝士炒意粉

开始步骤都差唔多啦，关键係炒果个步骤咯。吸取之前茄酱太浓嘅经验，今次炒西兰花同草菇嘅时候就落多少少水去煮，再慢慢炒干啲意粉，（可惜又算漏一着，啲牛肉过早放落去同西兰花一齐煮，结果老咗少少啊，呜呜呜～）不过，撇开牛肉，炒嘅味道比焗嘅好味好多啵， 话因为啲汁多啲会好味啲，嘻嘻。。。good experience！

简简单单再白灼咗个豆苗，清淡健康：）fit晒～

又奉献一个第一次啦。。。都ok啦。。。煮嘢慢慢有feel了，下次煮咩好呢？嘻嘻～～



]]> http://mushou.com/article.asp?id=166 young.song@hotmail.com(young) Thu,08 Jun 2006 21:20:00 +0800 http://mushou.com/default.asp?id=166

阳光并不灿烂嘅某一日，我喺脱离围裙n年后正式宣告复出啦

小试牛刀，怕太复杂嘅餸影响水准，于是基本上拣翻d以前曾经都几拿手

第一味－香煎薯饼
做法：
1.薯仔蒸熟后，剥皮，放入大盆中捣成泥
2.加入鸡蛋，猪肉滑，切碎嘅马蹄同冬菇，仲有适量调味料搅拌均匀
3.落油爆香，加入适量搅匀嘅薯泥，摊成饼，慢慢煎至金黄即可

呢个餸d肉汁同薯仔捞埋一齐，d冬菇香味又慢慢散发，而d马蹄增加咗d口感，香脆可口

第二味－可乐鸡翼
呢个做法就唔讲咯，好多地方都有介绍，其实关键係腌果部分，我一般中意落葱，洋葱，酒，盐，油，醋，糖，鸡精，姜，蒜，生抽等加保鲜纸来腌鸡翼，好香嘎。。。呢个腌法用喺其他煮法都好适合。。。嘻嘻

一个字：正！

第三味－酸奶香芒木瓜虾仁沙律
呢个係喺POCO偷师翻来嘅，材料唔难揾，比较容易做，但係我做嘅时候，帮d虾飞水之后唔记得落盐捞下，搞到d虾食落冇来味道。。。最后变咗食水果，呜呜呜～～～

补充多种人体所需营养同维生素，色泽丰富

第四味－红萝卜马蹄煲猪骨
材料係百佳现成嘎。。。洗干净煲滚水落，然后慢火滚佢两个钟就捞面了～～

夏日滋补靓汤

果日鱼生瘾发作，另外买咗份三文鱼刺身同埋d螺肉，八爪鱼，最后四菜一汤，食得好饱饱，剩好多啊。。。傻妹食到嘴liamliam




总体来讲，复出一战基本冇出咩大错，味道都ok，嘻嘻，自卖自夸，比自己 一个合格嘅成绩啦。。。
]]>